img/728x90.jpg
விடுதலைப் புலிகள் அமைப்புடன் தொடர்புடைய 8 அமைப்புக்கள் உட்பட 14 பேருக்கு தடை!

விடுதலைப் புலிகள் அமைப்புடன் தொடர்புடைய 8 அமைப்புக்கள் உட்பட 14 பேருக்கு தடை!

விடுதலைப் புலிகள் அமைப்புடன் தொடர்புடைய 8 அமைப்புக்கள் உட்பட 14 பேருக்கு தடை!

தமிழீழ விடுதலைப் புலிகள் அமைப்புடன் தொடர்புடையவர்கள் என்ற குற்றச்சாட்டில் புலம்பெயர் நாடுகளில் வசிக்கும் 14 ஈழத் தமிழர்களின் பெயர் பட்டியலை சிறப்பு வர்த்தமானி அறிவித்தல் மூலம் சிறிலங்கா பாதுகாப்பு அமைச்சு வெளியிட்டுள்ளது.
 
2016ஆம் ஆண்டு வெளியிடப்பட்ட தடைப் பட்டியலில் இடம்பெறும் 86 தனிநபர்கள் பட்டியலுடன் இந்த 14 ஈழத் தமிழர்களும் இணைக்கப்பட்டுள்ளனர். இவர்கள் இலங்கைக்குள் நுழைவதற்கு தடைவிதிக்கப்பட்டுள்ளது.
 
இலங்கை ஐக்கிய நாடுகள் ஒழுங்கு விதிகள் சட்டத்தின் 47ஆம் பிரிவின் கீழ் தமிழீழ விடுதலைப் புலிகள், தமிழர் ஒருங்கிணைப்புக் குழு (Tamils Coordinating Committee - TCC),  தமிழர் புனர்வாழ்வுக் கழகம் TRO) உள்பட 8 அமைப்புகளுக்கு இலங்கையில் தடை விதிக்கப்பட்டுள்ளது.
 
அத்துடன், தடைசெய்யப்பட்ட அமைப்புக்களுடன் தொடர்புடையவர்கள் என்று குறிப்பிடப்படும் புலம்பெயர் நாடுகளில் வாழும் 86 தனி நபர்கள் இலங்கைக்குள் நுழையத் தடை விதிக்கப்பட்டுள்ளது.
 
இந்த நிலையிலேயே புலம்பெயர் நாடுகளில் வாழும் 100 பேர் இலங்கைக்குள் நுழைய தடை விதிக்கப்பட்டுள்ளது.
 
இவ்வாறு தடை செய்யப்பட்டுள்ளவர்களின் பெயர் விபரங்கள் வருமாறு-
 
நடராஜா சத்தியசீலன் அல்லது சீல் மாறன்
கமலசிங்கம் அருணசிங்கம் அல்லது கமல்
அன்ரனிராசா அன்ரனி கெலிஸ்டர் அல்லது பரதன்
சிவசுப்ரமணியம் ஜெயகணேஸ் அல்லது கணேஸ் அல்லது சாம்ராஜ்
பொன்னுசாமி பாஸ்கரன் அல்லது ஜெயகரன்
வேலாயுதம் பிரதீப்குமார் அல்லது கலீபன்
சிவராசா சுரேந்திரன் அல்லது வரதன்
சிவகுருநாதன் முருகதாஸ் அல்லது கதிரவன்
திருநீலகண்டன் நகுலேஸ்வரன் அல்லது புஸ்பநாதன்
மகேஸ்வரன் ரவிச்சந்திரன் அல்லது மென்டிஸ் அல்லது திருக்குமரன்
சுரேஸ்குமார் பிரதீபன்
கந்தசாமி கிருஷ்ணமூர்த்தி அல்லது மூர்த்தி
ஜீவரத்தினம் ஜீவகுமார் அல்லது சிரஞ்சீவி மாஸ்டர்
டோனி ஜியான் முருகேசபிள்ளை