• :
  • :
களத்தில்

வவுனியா வடக்கு ஒலுமடு பாலமோட்டை பகுதியில் உள்ள வெடுக்கு நாரி மலை தமிழர்களின் பல நூற்றாண்டுகளுக்கு முந்தைய வரலாறுகளுக்கான சான்றுகள்

வவுனியா வடக்கு ஒலுமடு பாலமோட்டை பகுதியில் உள்ள வெடுக்கு நாரி மலை  தமிழர்களின் பல நூற்றாண்டுகளுக்கு முந்தைய  வரலாறுகளுக்கான சான்றுகள்

                            பாதுகாக்கப்படுமா வெடுக்கு நாறி மலை.?

வவுனியா வடக்கு ஒலுமடு பாலமோட்டை பகுதியில் தான் இந்த மலை அமைந்துள்ளது. பரந்து விரிந்த காட்டின் நடுவே அமைந்துள்ள இந்த மலையை வெடுக்கு நாறி மலை என அப்பகுதி மக்கள் அழைக்கின்றார்கள்.
 
வெடுக்கு நாறி என்ற மரம் அந்த காட்டில் அதிகமாக இருப்பதால் தான் அந்த மலை அவ்வாறு பெயர் பெற்றதாகவும் கூறப்படுகின்றது.
 
இந்த மலையிலும் அதனை அண்டிய காட்டு பகுதியிலும் 2300 ஆண்டுகளுக்கு முன்னர் மக்கள் வாழ்ந்ததற்கான சான்றுகள் இருப்பதாக யாழ்.பல்கலைக்கழக தொல்லியற் துறை தலைவர் பேராசிரியர் புஸ்பரட்ணம் கூறுகின்றார்.
 
இங்குள்ள மலைகளில் 1600 ஆண்டுகளுக்கு முன்னர் பயன்பாட்டில் இருந்த பிராகிருத மொழிகளில் குறிப்புக்கள் எழுதப்பட்டுள்ளன. இவ்வாறு பல பொக்கிசங்களை தாங்கியுள்ள மலையை அபகரிக்க பௌத்த துறவிகள் சிலர் முயன்று வருகின்றனர்.
 
எனினும் அங்குள்ள இளைஞர்களின் முயற்சியால் அது தடுக்கப்பட்டு தற்போது மலை உச்சியில் ஆதி சிவன் ஒன்று பிரதிஸ்டை செய்யப்பட்டுள்ளது. இதே போன்று ஐயனார், பிள்ளையார், ஐயன் சாமி என்பனவற்றையும் வைத்து வழிபட்டு வருகின்றார்கள்.
 
இந்த இடம் வரலாறுகளை சுமந்து இருப்பது மட்டுமல்லாது, வடக்கின் சுற்றுலாவின் பிரதான தளத்தையும் தன்னகத்தே வைத்துள்ளது. ஆனால் பலராலும் இன்று வரை இந்த மலை அறியப்படாமலே இருக்கின்றது.
 
இதனை காப்பாற்ற அங்குள்ள மக்கள் போராடி வருகின்றனர். ஆனால் அடுத்து வருகின்ற சந்ததிகள் இந்த மலையை மறந்து விட்டால் எம்மிடமிருந்து அந்த மலை பறிபோய்விடும், அந்த மலையை பாதுகாப்பதற்கு தற்போது எம்மிடம் உள்ள ஒரே வழி தமிழ் மக்கள் அதிகளவில் அங்கு சென்று வர வேண்டும்.
 
நீங்கள் பாதுகாவலராக சென்று வராவிட்டாலும், ஒரு சுற்றுலாவாக சென்று வாருங்கள். நீங்கள் எங்கும் காணாத ஒரு புதுமையை அந்த மலை தந்து விடும்...
 
குறிப்பு - இந்த காணொளி அங்கு தற்செயலாக சென்ற போது இந்த மலை வெளிப்படுத்த வேண்டும் என்ற காரணத்துக்காக தொலை பேசியை மட்டுமே பயன்படுத்தி படமாக்கப்பட்டது, தவறுகள் இருப்பின் மன்னிக்கவும்...
 
- நன்றி -
உதயராசா ஷாலின்